Mahatsiaro foana an’i Gasikara ireo Malagasy monina aty ivelany

« Maro be tokoa amin’izao fotoana ireo mikasa ny honina sy efa mipetraka ivelan’ny Madagasikara nohon’ny antony maro tsy ho voatanisa kanefa tsy mba manadino velively ilay tany niaviana na dia lasa lavitra aza. »

Ny fianarana , ny fitadiavana, ny tsaratsara kokoa na hoy isika hoe « lasa nila ravin’ahitra any ivelany »… Ireo teratany Malagasy monina sy nandao an’I Madagasikara nohon’ny antony maro samihafa dia miombo-po sy eritreritra amin’ireo Malagasy mpiray tanindrazana ny amin’ny ho avin’ny firenena indrindra moa fa amin’izao akatokin’ny fety na ny asaramanitra izao. Manantena ihany koa fa afaka hitondra ny anjara biriky ny tsirairay hisondrotan’ny firenena mba ho lovain’ireo taranaka fara-mandimby.

Misy ny hafatra apetraka anaty tononkalo, fankalazana ny faha-59 nahazoan’I Madagasikara ny fahaleovan-tena:

« Rahatrizay ry Gasikara »

Rahatrizay ry Gasikara

Izahay ho avy hikarakara

Tsy mba hitsaoka ny adidy

Na ho mamy na mangidy

 

Rahatrizay ry Gasikara

Inoanay fa hihatsara

Ny toe-draharahan’ny firenena

Ka mba ho mendrika jerena

 

Rahatrizay ry Gasikara

‘Zahay hanova ny tantara

Maniry indrindra anao ho tafa

Dia tsy hoambakain’ny hafa

 

Rahatrizay ry Gasikara

Ianao tsy ho diso anjara

Eny, tsy mora indraindray mety ho lavo

F’izahay hanampy hanandratr’avo

 

Atolotray Malagasy rehetra monina lavitry ny tanindrazana…

 

Mihaja Rasoanaivo

 

Raha hizara hevitra

commentaire

Related posts

Leave a Comment